Крофни полнети со ванила крем
Потребни состојки (за 18 крофни)
За тесто:
- 500гр. мазно брашно
- 1 коцка di-go свеж квасец
- 75гр. шеќер во прав
- 75гр. путер
- околу 20мл. млеко
- рендана кора од 1/2 лимон
- 1/2 кесичка ванилин шеќер
- 2 лажици рум
- 4 жолчки
- 1 лажица сол
За крем:
-25дл. млеко
- 1/2 кесичка прашак за пудинг
- 3 лажици шеќер
- 1 лажица рум
- 1/2 кесичка ванилин шеќер
1.Во половината од предвидената количина млеко растопете го свежиот квасец. Додајте му малку брашно, лажица шеќер и оставете го на топло да се подигне. Во сад просејте го преостанатото брашно заедно со шеќерот во прав. Додајте ја солта, ренданата лимонова кора и ванилиниот шеќер.
2. Во преостанатата количина од млеко растопете го путерот и додајте го румот. Кога квасецот ќе се подигне замесете го во брашното, додајте ги останатите состојки и замесете тесто кое ќе го оставите на топло околу 30 минути и ќе почекате да нарасне.
2. Разделете го тестото на 18 еднакви делови. Обликувајте ги во топчиња па покријте ги и оставете одново да се надигнат. Потоа во секое топпче вдлабнете дупка и одново оставете ги да се надигнат.
3. Вака нараснатите крофни ставете ги да се пржат во доволно загреано масло на температура од 170˚С додека да добијат румена боја.
4. За подготовка на кремот сварете го пудингот со млеко и шеќер и додека е сеуште топол додајте му 2 жолчки, рум и ванилин шеќер.
5. Испржените крофни наполнете ги со кремот и наросете ги со шеќер во прав.
No comments:
Post a Comment