Прв пат во Македонија лекување на очен притисок со имплант
01.11.2013 | 14:11
Прочитано: 9
На Универзитетската клиника за очни болести денеска прв пат е изврешена оперција на око каде е лекуван глауком со имплантација на шант кој го намалува очниот притисок.
На денешната прес-конференција директорот на очната Kлиника Илијаз Исмаили појасни дека оваа метода каде е употребен имплантот значи атрауматски ставање на шантот кој го бајпасира нормалниот тек на очната водица што доведува на намалување на очниот притисок.
Докторката на очната клиника Ирина Богданова истакна дека оваa метода е една од најуспешните во лекувањето на очниот притисок, и појасни дека постои 100 процентна гаранција дека имплантот ќе биде прифатен од оргнизмот. Посочи дека во Македонија околу 15 пациенти месечно имаат потреба од оваа метода.
- Оперативниот зафат е извршен врз 40-годишен пациент кај кој окото било повредено од удар каде добил очен притисок и перде односно катаракта на окото. За третирање на пердето кое е последица од ударот потребно е намалување на притисокот а кај пациентот кој бил лекуван со стандардната метода со медикаменти тоа не се случило, истакна Богданова
Имплантацијата е изведена во координација со офталмологот Скот Ли од САД кој е дел од програмата за престој на специјалисти од САД во Македонија на Министерството за здравство за континуирана медицинска едукација.
No comments:
Post a Comment